ՀՀ Կրթության և գիտության նախարարության Հրազդանի պետական բժշկական քոլեջ
Հարգելի դիմորդ
Ներկայացնում ենք Ձեզ, մեր քոլեջի կայքը,ուր արտացոլ- ված է սեղմ և ամբողջական ինֆորմացիան քոլեջի, նրա պատմության,ուսանողական կյանքի և առօրիայի մասին:
Այստեղ տեսանելի է քոլեջի ընդունելության կարգը և պա- հանջվող փաստաթղթերի ցանկը :
Եթե Ձեզ հետաքրքրեց մեր քոլեջը և դուք ցանկանում եք դառնալ մեր ուսանողը, ապա մենք ողջունում ենք Ձեր ցան- կությունը և ուրախ կլինենք Ձեզ տեսնել մեր շարքերում, կտանք Ձեզ անհրաժեշտ գիտելիքներ և առողջապահական հմտություններ, ի բարօրության մեր երկրի մարդկանց ֆիզիկական և հոգևոր առողջության, քանզի Դուք ուսանելով մեր քոլեջում, ձեռք կբերեք այն ապահովելու սրբազան առաքե-լության մասնագիտություն:
Եթե Ձեզ մոտ ծագեն քոլեջի ընդունելության, ուսումնառութ-յան պրոցեսին վերաբերող այլ և այլ հարցեր, ապա կարող եք հետադարձ կապով դիմել քոլեջի տնօրինությանն անձամբ, և կստանաք սպառիչ պատասխաններ: Համեցեք ուսանելու մեր քոլեջում, ցանկանում եմ Ձեզ և ձեր ընտանիքներին քաջ առող-ջություն, հոգևոր խաղաղություն և նյութական բարեկեցութ-յուն:
Տնօրեն՝ Գ. Հ. Այվազյան
<<Հրազդանի բժշկական ուսումնարանը>> հիմնադրվել է 1996թ. մայիսի 14-ին , որպես Երևանի թիվ 1 բժշկական ուսումնարանի դուստր ձեռնարկություն: Հիմնադիր տնօրենն է եղել Կ.Դոլբակյանը:Սկզբնական շրջանում գործել են «Քույրական գործ» և «Մանկաբարձական գործ» բաժինները: Հետագայում՝ Վ. Խաչատրյանի տնօրինության տարիներին,բացվել են նաև «Ատամնատեխնիկական գործ» /1999-2000թթ./ և <<Դեղագործություն>> /2002-2003թթ./ բաժինները:
2003 թվականին օգոստոսի 21-ին ՀՀ առողջապահության նախարարի 12.08.2003թ. թիվ 694 հրամանով վերստեղծվել է «Հրազդանի բժշկական ուսումնարան» ՊՈԱԿ-ը:
2007թ. վերանվանվել է «Հրազդանի բժշկական քոլեջ» ՊՈԱԿ,իսկ 2012 թվականից «Հրազդանի բժշկական քոլեջ» ՊՈԱԿ:
Իր գոյության ընթացքում քոլեջը տվել է 1101 շրջանավարտ,որից 152-ը` ստացել է գերազանցության դիպլոմ:
Տարբեր տարիներին ուսումնարանը ղեկավարել են բանիմաց և իրենց գործի գիտակ մարդիկ, որոնց վաստակն անուրանալի է :
2013-2014 ուս.տարում քոլեջն ունի հիմնական ընդհանուր կրթությամբ մեկ,իսկ միջնակարգ ընդհանուր կրթությամբ տասը խումբ: 11.10.2013թ.-ից մինչև 12.02.2016թ-ը քոլեջը ղեկավարում էր Գ.Այվազյանը որպես ժամանակավոր պաշտոնակատար, իսկ փոխտնօրենն է Ա.Հակոբյանը: 28.02.2016թ. Գ. Այվազյանը նշանակվեց տնօրեն:
Քոլեջում դասավանդում է մանկավարժադասախոսական կազմ: Այստեղ կան ժամանակակից սարքավորումներով և ուսումնադիտողական պարագաներով հագեցած կաբինետ – լաբորատորիաներ:Մասնագիտական կրթության որակը, ինչպես նաև բարձր հագեցվածությունը տալիս են իրենց պտուղները:Այսօր մեր քոլեջի շրջանավարտները իրականացնում են իրենց բժշկական գործունեությունը ինչպես ՀՀ-ում,այնպես էլ նրա սահմաններից դուրս:
<<Հրազդանի պետական բժշկական քոլեջ>> ՊՈԱԿ-ի դռները բաց են այն բոլոր դիմորդների առջև, ովքեր ցանկանում են իրենց ներդրումն ունենալ ամենամարդասիրական ու առողջ հասարակություն ունենալու գործում:
2014 © Բոլոր իրավունքները պաշտպանված են
©1996-2015 hrazdanmedcollege.com
ՀԱՅՏԱՐԱՐՈՒԹՅՈՒՆ
ՀՀ Կրթության և Գիտության նախարարության „Հրազդանի պետական բժշկական քոլեջ” ՊՈԱԿ-ը հայտարարում է 2016 – 2017 ուս. տարվա դիմորդների ընդունելություն՝ միջնակարգ /10 և 12 –ամյա/ և հիմնական / 9-ամյա/ կրթությամբ՝
1. „Քույրական գործ’’
2. „Մանկաբարձական գործ’’
3. „Ատամնատեխնիկական գործ’’
4. „Դեղագործություն” մասնագիտությունների գծով:
Բոլոր մասնագիտությունների գծով դիմորդները քննություն են հաձնում ՛՛ԿԵՆՍԱԲԱՆՈՒԹՅՈՒՆ՛՛ առարկայից բանավոր: Քոլեջում գործում է նաև կարճաժամկետ դասընթաց 2 ամսյա ժամկետով՝ վարսահարդարում և դիմահարդարում մասնագիտությամբ:
Լրացուցիչ տեղեկությունների համար դիմել քոլեջի ընդունող հանձնաժողովին:
Քոլեջի հասցեն՝ ք. Հրազդան, Սպանդարյան 72, N 2 հիմնական դպրոցի 2- րդ մասնաշենք/, հեռ. 0223-2-27-33, 094-46-03-77.