Տ Ե Ղ Ե Կ Ա Տ Վ Ո Ւ Թ Յ Ո Ւ Ն

 

<<Հրազդանի  բժշկական  ուսումնարանը>> հիմնադրվել  է  1996թ. մայիսի 14-ին , որպես Երևանի թիվ 1 բժշկական  ուսումնարանի   դուստր ձեռնարկություն: Հիմնադիր  տնօրենն է  եղել  Կ.Դոլբակյանը:Սկզբնական  շրջանում  գործել  են  «Քույրական գործ» և «Մանկաբարձական գործ»  բաժինները: Հետագայում՝ Վ. Խաչատրյանի  տնօրինության  տարիներին,բացվել  են  նաև  «Ատամնատեխնիկական գործ» /1999-2000թթ./ և <<Դեղագործություն>> /2002-2003թթ./ բաժինները:

2003 թվականին  օգոստոսի 21-ին ՀՀ առողջապահության նախարարի 12.08.2003թ.  թիվ  694 հրամանով  վերստեղծվել է  «Հրազդանի բժշկական ուսումնարան» ՊՈԱԿ-ը:

2007թ. վերանվանվել է  «Հրազդանի բժշկական քոլեջ»  ՊՈԱԿ,իսկ  2012 թվականից  «Հրազդանի բժշկական քոլեջ»ՊՈԱԿ:

         Իր գոյության  ընթացքում քոլեջը  տվել է 1101 շրջանավարտ,որից 152-ը` ստացել է գերազանցության դիպլոմ:

        Տարբեր  տարիներին ուսումնարանը  ղեկավարել  են  բանիմաց  և  իրենց  գործի գիտակ  մարդիկ, ում  վաստակն  անուրանալի  է :

2013-2014 ուս.տարում  քոլեջն ունի  հիմնական ընդհանուր կրթությամբ մեկ,իսկ միջնակարգ ընդհանուր կրթությամբ տասը խումբ:  11.10.2013թ.-ից  մինչև 12.02.2016թ-ը  քոլեջը  ղեկավարում  էր  Գ.Այվազյանը որպես ժամանակավոր պաշտոնակատար, իսկ  փոխտնօրենն  է  Ա.Հակոբյանը: 28.02.2016թ. Գ. Այվազյանը նշանակվեց տնօրեն:  

    Քոլեջում  դասավանդում  է  հիանալի  մանկավարժադասախոսական  կազմ: Այստեղ  կան ժամանակակից սարքավորումներով  և  ուսումնադիտողական  պարագաներով  հագեցած  կաբինետ – լաբորատորիաներ:Մասնագիտական  կրթության  որակը,բարոյական  առողջ  մթնոլորտը, ինչպես  նաև  բարձր  հագեցվածությունը  տալիս են իրենց պտուղները:Այսօր մեր քոլեջի  շրջանավարտները  իրականացնում  են իրենց  բժշկական գործունեությունը  ինչպես  ՀՀ-ում,այնպես  էլ  նրա  սահմաններից  դուրս:

     Այսօր  էլ <<Հրազդանի  պետական  բժշկական  քոլեջ>> ՊՈԱԿ-ի  դռները  բաց  են  այն  բոլոր  դիմորդների  առջև, ովքեր  ցանկանում  են  իրենց    ներդրումն ունենալ   ամենամարդասիրական  ու առողջ  հասարակություն  ունենալու    գործում:

 

 

 

 

  «ՀՐԱԶԴԱՆԻ ՊԵՏԱԿԱՆ ԲԺՇԿԱԿԱՆ

   ՔՈԼԵՋ» ՊՈԱԿ-Ի  ՏՆՕՐԵՆԻ՝       Գ.ԱՅՎԱԶՅԱՆ